Математика физика және информатика апталығы

«Әлем нақты ғылымдар тілінде»

тақырыбындағы

 математика , информатика және физика пәндері апталығының

ЖОСПАРЫ  

ӨТКІЗУ МЕРЗІМІ:

21- 28 ақпан 2023 жыл

Ақкөл қаласы

Тақырыбы: «Әлем нақты ғылымдар тілінде»

Мақсаты:  - оқушылардың пәнге қызығушылығын, олардың танымдық ізденістерін ояту; -логикалық ойлау қабілеттерін пәнге деген ынтасын, белсенділігін арттыру;  -білімдерін жүйелі болуын қамтамасыз ету.

Музыка ойнап тұрады ортаға оқушы шығып, өлең оқиды.

(5 сынып оқушылары)

1 оқушы.

Уа, жараңдар! 
Зейін қойып бізді біраз тыңдаңдар.
Ғылымдардың ғылымы
Математика, физика информатика жайында
Бөлісейік! ортаға сап ойларды.
Жиылған мына балалар
Білім жолын қуғандар
Бәрің де
Білімді болып жан – жақты
Саналы болып салмақты
Шығамын деген биікке
Үлкен, үлкен арман бар.

2 оқушы.

Шындықты алғаш таратқан
Жыл күніңді санатқан
Тауып ғажап жаңалық
Жоқтан барды жаратқан
Есеп емей немене.
Білмегенді білгізген
Өлшеп киімді кигізген
Барлық істі атқарып
Пайдасын елге тигізген
Есеп емей немене
Информатика әлемі
Қызығы мол ғой әдемі
Компьютердей құралды
Меңгердік қой кәделі.

3 оқушы.

Ғылымдардың патшасы – нақты ғылым жайында,
Апталықта бастаймыз.
Білім құмар достарым қызыққа толы сұрақты
Алдарыңа тастаймыз.
Сұрақ сырын тереңірек ұғайық,
Математика, физика, информатика құрметтеуге лайық.

Дүниеде құбылыстың мәнінде,
Зерттейді ол өзгерістің бәрінде.
Нақты ғылым дүние кілті бүгінде,
Бүкіл әлем сөйлейді, нақты ғылым тілінде.

4 оқушы.

Математика – 1,2,3...натурал саннан тарайды,
Алгебра сырын ашсам деп,
a,b,c,d әріптер жан – жағына қарайды.
Үшбұрыш, төртбұрыш, конус пен цилиндр,
Геометриялық денелер нүкте менен түзуді арғы атасы санайды.

Синус пенен косинус, тангенс пен котангенс
Жүрген жерде таңданып сұлуға өзін балайды.
Үшбұрыштар Бәйтеректе көз ұшында көрінген,
Пирамида орын алған Астананың төрінен.
Математика күллі әлемді өз тілінде сөйлетіп,
Білімнің нұрлы шуағы шар тарапқа тарайды.

Ортаға жүргізушілер шығады:

1-жүргізуші:

Қайырлы күн қадірлі қонақтар,  ұстаздар, оқушылар! Бүгінгі «МИФ» әлеміне саяхат атты кешімізге қош келдіңіздер.

-Әрбір өскелең жастың ішкі резервін, талантын, дарынын тәрбиелеу, еліміздің үлкен тірегі болатын жас ұрпақтың терең білімді, жан – жақты дамыған зерек болуы – заман талабы. Осыған байланысты оқушылардың білімін шыңдауға ашық сабақтардың, ал шығармашылықпен айналысуына сыныптан тыс пәндік сайыстар өткізудің тигізер септігі мол. Сондықтан 5-10 сынып оқушылар арасында математика, физика,  информатика пәндері бойынша ашық сабақтар мен сыныптан тыс әр-түрлі іс-шаралар апта бойы өткізілмек. Атсалысып белсенділік көрсетіңіздер.

2-жүргізуші: Апталық тақырыбымен, мақсатымен және жоспарымен таныс болыңыздар. (Презентациядан көрінеді)

М - математика ғылымдар патшасы
И - информатика ақпараттар ғылымы
Ф - физика табиғаттың патшасы
1-жүргізуші:

Ендігі кезекте, 7 сынып оқушыларының дайындаған физикалық көрінісіне назар салайық....

Көрініс
2-жүргізуші:

Шақырамыз келіңдер!
Есеп – қисап, жұмбақтарды шешіңдер!

Күш, өнерді, бойға жиып келіп,
Білімдеріңді байқап бір көріңдер!

1-жүргізуші:

-Ендеші баларлармен біз қызық ойын ойнайық, қалай қарайсың? Оқушылар жұмбақтар шешіп көріңдер. Дұрыс жауапқа тәтті сыйлығымыз бар.

Оқушылар сұрақтарға жауап береді

Физика пәні бойынша 

1. Жылдамдықты өзгертеді, 
Қоғалысты тездетеді. 
Қарсы шықса қоғалысқа, 
Тоқтарына көз жетеді. (Үдеу) 
2. Көп болса асықпайсың, 
Мезетте қашықтайсың. 
Асықсаң аз болады, 
Табасың мұны қайсың? (Уақыт) 
3. Қозғалысқа келтіріп, 
Жылдамдығын береді. 
Өлшемдерін қарасаң, 
Ньютонға ол келеді. (Күш) 
4. Біз, біз, біз едік, 
Бірегей жарқын қыз едік. 
Тамашада көп болдық- 
Таң атқанда жоқ болдық. (Жұлдыз) 

Иформатика пәні бойынша
1. Ұзынтұра Жалқаубек, 
Тұрмай ылғы жатады. 
Қозғала қалса артынан, 
Ешбір белгі қалмайды. (бос орын) 
2. Биологияда бұл паразит, 
Көзге зорға көрінер. 
Информатикада өлшем бірлік, 
Ақпараттарды өлшер (бит) 
3. Тетігін бассаң алаңсыз, 
Жазады қалам, қағазсыз. (пернетақта) 
4. Батырмасын басасың 
Қажетті файлды ашасың (тінтуір) 

Математика пәні бойынша
1. Оң сандарға қол шатырдай 
Қалпақ болған беделі 
Квадраттасаң егер оны 
Белгімсі оның кетеді (квадрат түбір) 
2. Екі бұрыш ежелден 
Тату көрші болған екен 
Бірін-бірі толықтырып 
Бір түзуде жатады екен (сыбайлас) 
4. Қарама –қарсы қабырғалары 
Паралель боп қосылған 
Оқыңызшы аталуын 
Параллель, грамм сөзі қосылған (параллелограм) .

2-жүргізуші:

Жарайсыңдар балалар. Өте ақылды екенсіңдер. Алдағы апталықта да осылай белсенділік танытасыңдар деген ойдамыз.

1-жұргізуші.

Ал енді, балалар, сендерге роботтар ұнайтын шығар, иә? Онда қазір бәріміз роботтардың жекпе-жегін тамашаласақ қалай қарайсыңдар?

Ортаға роботтар шығады

2-жүргізуші:

Бұл бір керемет көрініс болды. Роботтарға көп рахмет.

1-жүргізуші:

Бар білімді болашаққа арнаймыз
Желбіретіп, татулық пен достықты
Жеңіс туын биік ұстап самғаймыз.

Бағындырып МИФ әлемін, ғарышты

 - дей отырып, мықтыларға арналған математика, физика, информатика пән апталығында оқушыларға үлкен жеңістерді, мұғалімдерге табыс тілейміз!