Білім келешегі: Адал азамат – кәсіби маман

Республикалық тақырыптағы облыстық конференциядан қысқаша шолу
Облыстық деңгейде өткен конференция аясында Шағын жинақты мектеп директорларының секциясында мектептің директордың оқу ісі жөніндегі орынбасары Халыкова Лаззат Халыковна «Ауыл мектептерінің білім сапасын арттыруда тірек мектебі директоры орынбасары» тақырыбында мазмұнды баяндама жасады.
Баяндама барысында Лаззат Халыковна ауыл мектептеріндегі білім сапасын арттырудағы тірек мектептерінің рөліне ерекше тоқталды. Ол шағын жинақты мектептердің ерекшеліктерін айта отырып, тірек мектептері арқылы оқушылардың білім алу мүмкіндіктерін кеңейту жолдарын нақты мысалдармен түсіндірді.
Негізгі ойлары:
Тірек мектептері – ауылдағы шағын жинақты мектептердің сапалы білім алуына бағытталған инновациялық модель;
Оқу ісі жөніндегі орынбасардың басты міндеті – білім беру процесін тиімді жоспарлау, мұғалімдердің кәсіби дамуына жағдай жасау, оқушылардың оқу жетістіктерін жүйелі бақылау;
Тірек мектептері мен магниттік мектептер арасындағы өзара байланыс – ауыл баласының білімдегі теңдігін қамтамасыз етеді;
Білім сапасын арттыру үшін мектеп әкімшілігі сандық технологияларды енгізу, әдістемелік қолдау көрсету, ата-аналармен ынтымақтастықты нығайту бағытында нақты жұмыстар жүргізуі тиіс.
Баяндама қорытындысында Лаззат Халыковна ауылдық шағын жинақты мектептердің даму болашағы тірек мектептері арқылы нығайып, оқушыларға сапалы білім алуға кең мүмкіндіктер ашылатынын атап өтті.
Бұл секция жұмысы ауыл мектептеріндегі өзекті мәселелерді талқылауға және тиімді шешім жолдарын ұсынуға бағытталғаны айқын көрінді.